Isak Saba guovddáža birra
Isak Saba guovddáš lea sámi giellakantuvra ja giellaguovddáš man Unjárgga gielda/Nesseby kommune oamasta ja doaimmaha.
Giellaguovddáš rahppojuvvui Sámediggepresideantta bokte Čakčamánu 1.b 2001`is. Min vuođđoruhtadeapmi boahtá Sámedikkis ja dasa lassin ohcat jahkásaččat ruđaid prošeavttaide.
Min doaibma lea golmma oasis
Beaivválaš doaimmat: Beaivválaš doaimmaide gullet feara makkár barggut nu go jorgaleapmi ja korrekturlohkan.
Prošeavttat: Doaimmat mat leat eanemus oidnosis leat Duhkoratta, Somá, lohkandeaivvadeamit, fáddábeaivvit skuvllas, bearašbeaivvit, Sámás ja Lihkat, Suomman, kaleandarat, girjjit ja giellavahkku.
Giellakurssat: Sámegielat álgo- ja grammatihkkakurssa maid lágidit ovttas Uit‘ain Romssas.
Isak Saba guovddáža mihttomearit
- Doaimmaid bokte sámegiela čalmmustahttit, nannet ja ovddidit
- Sámi identitehta, kultuvrra ja árbedieđuid ovddidit
- Sámegielat arenaid ráhkadit
Loga eambbo min doaimmaid ja prošeavttaid birra
Isak Saba guovddáš
Anthisvei 4
9840 Varangerbotn
